മൃതി ഒരു സ്മൃതി
വിടരുവാൻ കൊതിച്ച മുകുളങ്ങളിവർ,
മുളയിലെ നുള്ളിയതെന്തിനു നീ .
ആർത്തിരച്ചെത്തിയ തിരമാലയായ്,
അടർത്തിയെടുത്തതെന്തിനായ് നീ..
വിദ്യതൻ ആദ്യാക്ഷരങ്ങൾ കുറിച്ചമണ്ണിൽ,
ഒരു സ്മൃതിയായ്‌ കേട്ടിയുയർത്തുവാനോ?
പിച്ചവെച്ചോടിക്കളിച്ച മണ്ണിൽ,
നിശ്ചലമാക്കിനീ വെറും മണ്ഡപം പോൽ.
പുഞ്ചിരിതൂകുമീ ചിത്രമാക്കി,
മാറ്റിയതെന്തിനീ പിഞ്ചുകളെ ?
മൃതിയൊരു സ്മൃതിയാക്കി മാറ്റുവാനോ..?
വെറും സ്മൃതിതൻ നിഴലായ് മാറുവാനോ..?
(സോബി കൊച്ചയ്യത്ത് ) 
No comments:
Post a Comment